ربع جنيه

مرة كان فى واحد معاه ربع جنيه


ففكر يعمل بيه ايه


يشرب عصير ولا يركب الاوتوبيس


فقال:


انا لو ركبت الاوتوبيس هيبقى فى حل من اتنين


يإما هقف يإما هعد


لو وقفت مفيش مشكلة


لكن لو قعدت هيبقى فى حل من اتنين:


يإما هيعد جنبى راجل يإما هتعد جنبى ست


لو قعد جنبى راجل مفيش مشكلة


لكن لو قعدت جنبى ست هيبقى فى حل من اتنين:


يإما هنعجب ببعض يإما مش هنعجب ببعض


لو مأعجبناش ببعض مفيش مشكلة


لكن لو أعجبنا ببعض هيبقى فى حل من اتنين:


يإما هنتجوز يإما مش هنتجوز


لو متجوزناش مفيش مشكلة


لكن لو اتجوزنا هيبقى فى حل من اتنين:


يإما هنخلف يإما مش هنخلف


لو مخلفناش مفيش مشكلة


لكن لو خلفنا هيبقى فى حل من اتنين:


يإما هنخلف ولد يإما هنخلف بنت


لو خلفنا بنت مفيش مشكلة


لكن لو خلفنا ولد هيبقى فى حل من اتنين:


يإما هيستقيم يإما هينحرف


لو استقام مفيش مشكلة


لكن لو انحرف هيبقى فى حل من اتنين:


يإما هيدمن يإما مش هيدمن


لو مأدمنش مفيش مشكلة


لكن لو أدمن هيبقى فى حل من اتنين:


يإما هيبقى معاه فلوس يإما مش هيبقى معاه فلوس


لو معاه فلوس مفيش مشكلة


لكن لو مش معاه فلوس هيبقى فى حل من اتنين:


يإما هيسرقنى يإما هيقتلنى


لو سرقنى مفيش مشكلة


لكن لو قتلنى


يقتلنى؟؟؟؟؟؟!!!!!!!!!!


لا يا عم انا اشرب عصير احسن

ههههههههههههههههه
كل ده علشان ربع جنيه

ههههههههههههههههههههه يخرب عقلك ياهشام موضوع جميل بجد

طيب ما يولع فى ام الربع جنيه من الاول اصلا ويريح الدنيا

بس جامدة يا اتش

جميل جدا

بس دى كانت فى مسرحيه واللى قالها المنتصر بالله

شكرا علي الردود الحلوة دي
وياعبدو المسرحية اسمها ايه