إبتكار هاتف محمول غريب جداً يمكن زراعته في الأسنان

تمكن بريطانيون من ابتكار جهاز جديد يمكن زراعته داخل الأسنان يعمل كهاتف محمول يتميز بثباته وصعوبة نزعه.

ويتكون الجهاز الذي صممه المهندسان جيمس أوجر وجيمي لويزو، من جهازين دقيقين أحدهما يرسل ذبذبات والآخر يستقبل الموجات اللاسلكية يزرعان داخل أحد الأسنان أثناء جراحة عادية في عيادة طبيب الأسنان، ولم يزرع الجهاز حتى الآن لكن مخترعيه يقولون إن التقنية المستخدمة فيه تم اختبارها وتجربتها ويمكن بواسطتها تركيب هاتف محمول كامل الوظائف في وقت قصير للغاية.


وأشار أوجر إلى أن الصوت الذي يصل إلى السن ينتقل في صورة إشارات لاسلكية رقمية إلى الأذن الداخلية بانتقال الرنين في العظام، وهذا يعني أن المعلومات يمكن استقبالها في أي مكان وزمان ولا يمكن لأحد آخر أن يستمع إليها. ويعتقد مخترعا الجهاز أنه قد يصبح الأول بين مجموعة متكاملة من الأجهزة غير الطبية التي يمكن زراعتها داخل الجسم البشري.
المصدر من النت


انا عن نفسي بخاف احط الموبايل في جيب القميص الشمال


عشان بخاف من الذبذبات ما بالك انت لو حاطط الموبايل


جوه بقك (( فمك )) هتعمل ايه ؟؟

اولا الموضوع جميل جدا وسمعت عنه قبل كده من الجرايد وكمان يا بنى خليها على الله لو فى بقك او حتى فى قميصك الدنيا اصلا بقت ماشية شمال يعنى هو البنى ادم بقى جسمه زحمة ومشغول لدرجة يحطوا الموبايل فى بقه 0000لا حول ولا قوة الا بالله هو البق ده هنحط فيه ايه ولا ايه ولا هنعمل به ايه ولا ايه وكفاية عليه اوى الرغى 00 انا عن نفسى مش هعمل كده ابدا 0000موبايلات اخر زمن
وتقبل مرورى

مش عارف والله فعلا هنعمل ببقنا ايه ولا ايه بس انتو البنات فعلا كفاية عليكم الرغى اوى لانكم لو الموبايل اتحط فى بؤكو الشركة مش هتسد عليكم فى الرصيد ومرورك مقبول دائما ابدا

ليه بس كده0 من فضلك لاحظ ان انا موجودة وورايا رجالة ياكلوا الزلط ومتعيبش فى البنات والرجالة اللى ورايا ممكن ياكلوا حتى الموبايل الجديد ده ههههههههههههههههههههههههههههههههههههههه
يعنى مانتو طول اليوم نازلين تريقة ةتعليق على الدكاترة والطلبة وبعدين والله الرغى مش فى كل البنات ماشى يا كيمو وعلى فكرة اوعى تزعل وتفهمنى غلط انا بس حبيت اقول ان بجد مش كل البنات رغاية هم معظمهم بس مش كلهم
وشكرا لمرورك الرائع

لالالا ياستى خلاص طالما وراكى رجالة بياكلو الزلط انا مليش دعوة مش انا اللى حطيط الموضوع ده وبعدين طول عمرهم البنات ساكتين وهاديين ومحترمين والصبيان هما اللى بيرغو ولازم يتعاقبو على كدة
هههههههههههههههههههههههه

ايوة كده اتعدلوا خلى الواحد يحس بقيمته امال
ناس متجيش الا فى العين السخنة ولا اقولك بلاش العين السخنة خليها الباردة عشان الجو بدا يحرر
وبعدين يا جماعة فى محاضرات مستنية يا ناس ودكاترة هيخشوا يا خلق واونكل سامى مستنى ولازم اروح
سللللللللللللللللللللللللللللللللللللللام عليكم

لالا سامى مارنش عليا النهاردة علشان كدة انا كنت عارف انه مش جاى النهاردة ورحت متاخر بردو عادى يعنى

جميل بس ملوش لزمه خالص لانه دائم مش من السهل الاستغناء عنه وبعدين لو عايز تنزل رنات ولا بلوتوث هتعمل ايه؟؟؟؟؟؟؟؟؟؟؟؟؟

يعنى انت شوفت كل حاجة اتركبت يا عم الناصح وفاضل انك تركب النغمات وتاخد حاجات بلوتوث؟؟؟؟؟؟

جميل الموضوع

بس انا مش هركب حاجة فى اسنانى

ماما مش هترضى

ونعمل ايه بقى لرضا الوالدين

وانا بوافق جدا على راى جودى

وعلى العموم جودى بالذات مينفعش تركبه

عشان هى ما شاء الله بوقها مبيفضاش من الاكل

والرغى

ايه رايك ياجودى فى الفضيحة اللى على الملا دى ؟

اى خدمة ياست

هههههههههههههههههههه

كويس كويس التسييح ده بس من الواضح يا برنسيسة انك ما قريتيش الردود اللى فوق لان جودى عندها رجالة ياكلو الزلط واسياخ حديد وخرسانة كمان يعنى هتوحشينا والله ولما جودى توصلك المستشفى ابقى طمنينا عليكى

لا لا لا لا الكلام ده مينفعش خالص على كده بقى انا هضطر اطلع الرجالة من المخزن ويا ريت يا جماعة تودعوها كلكم عشان هى فعلا هتوحشكم جدااااااااااااااااااااا زى ما قال على لاحسن اقلب عليكم انتوا والرجالة يقوموا بالواجب ويبقى كده مش عارفة مين ولا مين هيوحشنى
عموما خللى املكم فى ربنا كبير
توضيح :الرجالة دول بياكلوا المسلح الامريكى وانتوا عارفين ان الحديد بتاع امريكا غير الحديد بتاع هنا فراجعوا نفسك لاحسن تلاقى نفسك سيخ فى بلكونة كده ولا كده * الطيب احسن*وعموما شكرا على ذوقك العالى ده برضه

انتى بتفكرينى بشخصية الكبيرة فى فيلم كتكوت هههههههههههههههههه عارفاها ؟؟
ملحوظة: اكيد الحديد بتاع امريكا اطرى من الحديد بتاعنا لان امريكا مافيهاش شمس اوى لكن مصر فيها شمس جامدة!! :lol:

احم احم احم طبعا عارفاها يبقى كده بقى الواحد ميتكلمش عن نفسه كتير طالما ان انتوا عرفتوا قيمتى الحقيقية
وعلى فكرة لو شفت فيلم معلش احنا بنتبهدل هتعرف الفرق فى الحديد كويس ولا تقولى بقى تكنولوجيا انتاج ولا غيره 000القرموطى ده بتاع كله ومعلش احنا بنتكلم
واللى متعرفهوش ان الكبيرة هى الام الروحية ليا ههههههههههههههههههههههههههههههههههههههههههه

هههههههههههههههههههه ماشى يا ست جودى بس المهم ان ساعة الضرب ولا كانك تعرفينى وابقى خليكى الام الروحية بقى هى اللى تضرب معاكى وانا هقعد مبسوط وفى حالى ومعلش انتو اللى بتضربو
هههههههههههههههه

ههههههههههههههههههههههههههههههههههههههههههه ماشى انت صدقت ولا ايه دى روحية دى جارتنا الجديدة هى وامها ولا ليهم فى كده ولا كده ومش قد الاقلام والضرب بس انت خليك قد المسئولية امال مش انتوا برضه المفروض تبقوا شباب النيل والمسقبل ليكم على راى المثل ومتقلقش هنقوملك محامى من اى منتدى تانى وهتاخد تابيدة بس
وتعيش وتاخد غيرها ههههههههههههههههههههههههههههههههههههههههههههههههههههههههه

لالالالالالالا وانا هلبس الليلة كدة بسهولة دا انا الطبيعى بتاعى ان انا ندل فى الضرب بالذات يعنى هبلغ عن كل واحد وهجيب اسمه رباعى كمان امال هشيلها لوحدى ونقوم محامى لينا كلنا بقى

يللا على البركة واتكل على الله
ههههههههههههههههههههههههههههههههههههههههههههههههههههههههه

سبحان الله اللي خلى الانسان يفكر في حاجات زي دي
ولسه ياما هنشوف
وان شاء الله استنوني اعملكم اختراعات احسن من دي

و.....فككم مني

يا عم انت اخر اختراع عارفه اللمبة اللى بتنور بالجاز ههههههههههههه

على على على على على على على على على على على على على على على على على على على على
انا عندى سؤال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انت لما تحب تتصل او ترود على الموبايل هتعمل ايه هتف ولا ايه ؟؟؟؟
والنغمات ايه نظمها ذغريييت ولا ايه ؟؟؟
بيتعمل هزاز؟؟

مش بقولك من العصر الحجرى يا ابنى انت كويس انك بتلبس هدوم بدل ورق الشجر

فيه سؤال جوهري
أعمل صامت إزاي وأنا في الحاضرة علشان د محمد عبد الكريم ما يطردنيش
فيه سماعة خارجية ولا لا
وممكن أصور بيه

هو غالبا هيكون بحجم التليفون الارضى وفيه زاكرة تسع حتى 16 اسم والرد هيكون من خلال رقم سرى مكون من 94 رقم