sad.love.story مشرف متميز
فريقك المفضل : عدد الرسائل : 1421 العمر : 33 المزاج : I hate love السٌّمعَة : 8 نقاط : 7203 تاريخ التسجيل : 04/04/2009
| موضوع: عفوا القلب الذى طلبته غير متاح حاليا !!!!!!!!!! الإثنين سبتمبر 07, 2009 5:07 am | |
| قلبك قد يكون مُغلقاً .. أو خارج نطاق الخدمة !!
بتحصل كثير مش كدة ؟!
تكون في موقف محتاج فيه قلبك جداً .. وتيجي تطلبه متلاقيهوش !!
وانت واقف تصلي .. لسانك شغال .. لكن قلبك مش هنا خالص ..
نفسك تجيبه .. بس مش عارف !
وانت بتدعي .. لسانك بيقول ويطلب من ربنا .. وقلبك في وادي تاني خالص !!
لما بتسمع ان فلان مات .. وتروح معاهم علشان يدفنوه .. وتشوف المقابر بعينك .. وتشوف فلان وهو بيتقفل عليه لوحده ..
نفسك تبكي .. نفسك قلبك يذوق معنى الخوف من ربنا في الموقف ده .. فتيجي تطلب قلبك .. متلاقيهوش !!
وانت صايم .. حاسس انك جعان ، أو عطشان .. بس مش حاسس بلذة الصيام ، رغم انك ممكن تكون عارف كويس فضل الصيام وثواب الصائمين .. بس برضو القلب مش هنا ..
في رمضان .. وانت بتصلي التراويح .. في عز جو العبادة والخشوع .. تيجي تطلب قلبك علشان يذوق الحلاوة واللذة .. متلاقيهوش ..
فينك يا قلب ؟!!
للأسف .. القلب غير متاح حالياً !!
أكيد بتحصل معانا كلنا .. ومحدش فينا معصوم ..
يبقى تعالوا نتعامل معاه على أنه مرض شائع لازم نشوف له علاج بإذن الله !!
طيب لو جينا نشخص حالتنا دي .. هنلاقي انها عبارة عن غياب مؤقت لحضور القلب
( القلب مشغول مؤقتاً ) ..
ولو تركنا الحالة كدة من غير علاج .. ممكن تتطور وتتحول إلى انغلاق تام في القلب ( والعياذ بالله
يعني القلب يتقفل و يخرج تماماً عن نطاق الخدمة !!
" وقالوا قلوبنا غلف "
.........................
طيب لو جينا نشخص المرض ده ( انشغال القلب وعدم حضوره ) ..
تفتكروا تكون أسبابه إيه ؟!
ممكن يكون قلبك مشغول بحاجة تانية غيرك !!
( فلوس - بنات - عربيات - فسح وخروجات - الشغل ومشاكله - الزوجة والولاد .. وهلمّ جراً )
فتيجي تطلبه في عز ما انت محتاجله .. تلاقيه هناك عندهم .. مشغول بيهم .. ومش فاضيلك !
* * *
أو ممكن مثلاً تكون بتعمل ذنب معين ومُصر عليه .. فالذنب ده عامل حاجز بينك وبين قلبك .. وبيقطع أي اتصال ما بينكم ..
مش قادر تبطل نظر على النساء في الشارع مثلاً ..
مش قادر تبطل أغاني ..
مش قادرة تسيب لبسها الضيق اللي اتعودت عليه ..
أي ذنب من الذنوب اللي بنعملها واحنا مش عارفين انها ذنوب ..
أو عارفين ، بس مش قادرين نبطلها !
الذنوب دي للأسف بتقفل القلب وتحجب عنه الرؤية : (
وبالتالي تحجب عننا لذة الطاعة وحلاوة طعمها ..
.................................
وطبعاً احنا محتاجين قلوبنا ..
خصوصاً ان رمضان على الأبواب .. ونفسنا نذوق طعم اللذة وطعم العبادة والشوق في رمضان ..
عايز لما أطلب قلبي في الصيام .. ألاقيه لما أطلبه في الذِكر .. ألاقيه لما أطلبه في القيام .. ألاقيه في السحور ... ألاقيه في الدعاء .. ألاقيه
عند الفطار ( اللي المفروض هي الفرحة الأولى للصائم ) .. ألاقيه
طيب إيه الحل ؟
اننا نبتدي ندور على العلاج !!
إيه ممكن يكون علاج حالتنا دي ؟!
إيه اللى بيخلى قلبك يرق ويخشع ؟؟
إيه أكثر حاجه بتأثر فيك وممكن تدمع منها ؟؟
منقول | |
|
???? زائر
| موضوع: رد: عفوا القلب الذى طلبته غير متاح حاليا !!!!!!!!!! الإثنين سبتمبر 07, 2009 6:14 am | |
| بصراحة أكتر من رائع شكرااااااااااااااااااااااااااا |
|
Abdo younis مشرف متميز
فريقك المفضل : عدد الرسائل : 2423 العمر : 33 المزاج : عايش حياتى السٌّمعَة : 6 نقاط : 8247 تاريخ التسجيل : 04/02/2009
| موضوع: رد: عفوا القلب الذى طلبته غير متاح حاليا !!!!!!!!!! الإثنين سبتمبر 07, 2009 6:34 am | |
| شكرا على مجهودك يا اخ نشوان | |
|
???? زائر
| موضوع: رد: عفوا القلب الذى طلبته غير متاح حاليا !!!!!!!!!! الإثنين سبتمبر 07, 2009 9:28 am | |
| شكرا يا نشوان على موضوعك الجميل ده |
|
ali kemo ADMIN
فريقك المفضل : عدد الرسائل : 8756 العمر : 32 المزاج : in real love story السٌّمعَة : 32 نقاط : 14836 تاريخ التسجيل : 04/02/2009
| موضوع: رد: عفوا القلب الذى طلبته غير متاح حاليا !!!!!!!!!! الإثنين سبتمبر 07, 2009 2:00 pm | |
| موضوع هايل يا نشوان والله | |
|
sise.2010 عضو رائع
فريقك المفضل : عدد الرسائل : 1298 العمر : 34 المزاج : sa3ed السٌّمعَة : 1 نقاط : 7016 تاريخ التسجيل : 04/02/2009
| موضوع: رد: عفوا القلب الذى طلبته غير متاح حاليا !!!!!!!!!! الثلاثاء سبتمبر 08, 2009 1:00 pm | |
| بجد موضوع راااائع وفعلا كتير مننا بيمر بالمواقف دي | |
|
sad.love.story مشرف متميز
فريقك المفضل : عدد الرسائل : 1421 العمر : 33 المزاج : I hate love السٌّمعَة : 8 نقاط : 7203 تاريخ التسجيل : 04/04/2009
| موضوع: رد: عفوا القلب الذى طلبته غير متاح حاليا !!!!!!!!!! الثلاثاء سبتمبر 08, 2009 9:00 pm | |
| ربنا يجازيكم خير والف شكر على ردودكم المشجعه | |
|