حوار بين أب حنون و ابنه ..........

الأب :
يا ولد


الابن
(و بكل براءة) : نعم


الأب :
نعمة لما ترفسك


الابن
ليه ايه اللى عملته؟



الأب :
عملك اسود ومهبب


الابن
هو انا قلت حاجه؟


الأب :
لا كان ناقص تقول كمان.. أوقف عدل يا حيوان


الابن
حاضر


الأم:
يحضروا على قبرك.. لما أبوك يتكلم إنت تخرس


الابن
أخرس؟؟


الأب : أيوة خرسة تخرسك ان شاءالله


الابن
ماشي


الأم:
مشش فى ركبك


الابن
ايه مشش دى؟


الأب :
أما إنك قليل الادب وبترد على امك كمان؟


الابن
انا رديت على إمي؟ ياما ماتقوليله حاجة


الأم:
أخرس ياض


الابن
(( غلب على امره و سكت))


الأب : أما جيل قليل الحيا صحيح...بتكلم ومبتردش عليا اتخرست ليه كتك خرسة تخرسك


الابن
يعنى اقول لو اتكلمت بتشوفوا كلامى غلط


الأب :
ليه ياض شايفنا عُومى ولا شايفنى أحول ومش بشوف؟


الابن
لا اله الا الله


الأم: الله ياخدك ويريحنا منك.. يا ريتني خلفت ابن الجيران و لا خلفتك


الأب : انا مش عارف الواد ده طالع لمين.. لا وشايف نفسك راجل اوى؟


الابن
طيب يعنى اعمل ايه عشان تشوفنى راجل؟


الأب : إن شالله ما تطيب.. اخرس


الابن
يا ااااااااااااااااااااارربي خلاص ممكن أمشى؟ انتم نادتونى ليه أصلا؟


الأم:
آه صحيح انت ليه ناديت على الواد؟


الأب :
تصدقى .... نسيت.. مش عارف... خلص امشى غور كتك الارف

انا بصراحة مش حاسس ان الواد ده ابنهم اصلا دا ناقص يعمل معاه مشهد الخطايا ويقوله برة انت لا ابنى ولا اعرفك دا انا لقيتك عند المعبد اليهودى ههههههههههههههههههههههه
بس موضوع جامد يا كوين وده الطبيعى بتاعك لانك متواضعة هههههههه

إيه دددددددددددددددددددده
دي شكلهم كرهينه خاااااااااااااااااااالص والله حرام والمفروض الواد ده يسبلهم البيت أحسن
والموضوع جميل

انتي غلطتي في عنوان الموضوع يا كوين

ده مش حوار بين اب وام وابنهم

ده ردح

بس الحمد لله مفيش حد كده

ده للضحك بس


و.....فككم مني

ايه ده مايؤده احسن ويخلص منه

انا لو مكانه كنت عملت نفسي اطرش احسن

بس موضوع كوميدي بيفكرني بفيلم ميدو مشاكل

دول شكلهم جابوه غلط أو ناسيين انه ابنهم
بس موضوع جاااااااااااااااامد ياكوين

انتوا معرفتوش بجد مين الراجل ده كنت فاكرة انكم هتعرفوه بسهولة
الراجل ده اللى أنا كنت كتبت دعوة الفرح بتاعتة
هو ده مصير أولاده
هههههههه

ههههههههههههههه
ده راجل زى العسل
هى دى التربيه ولا بلاش