يوميات اعدادي 2009الجزء الثالث

طبعا

أنا كان نفسي إني أكون صلاح الدين الواد المخلص خليفة عبد الفتاح الجرينى لكن الواضح انه محدش عرف أصلا إن أنا جيت أنا عارف إن الناس دي متعرفش قيمتي .طول الدراسة بقي تلاقي ناس تذاكر "دحيحه"وناس مقضياها 2 ليمون تحت الشجرة وناس تايهه وناس نايمه أنا كنت ولا حد في دول أنا كنت بروح المحاضرات دايما وساعة مفهم حاجه ابقي ناقص ارقص

.......ده في الأول بس قبل ما أقع ف الحب.

آآآآآآآآآآآآآه من الحب دي الحقيقة اللي مش هكدب فيها قوي أنا أول مره شفتها فيه كان عادي مكنتش حاسس بحاجه خالص لكن بعد حوالي 3 أسابيع بقيت أشوفها أحس بحاجات كده يعني مشاعر غريبة ولذيذه مش عارف أوصفها ازاي آآه .......والله يا جماعه الواد يوسف وقع ولاحدش سمي عليه .هي كانت بالنسبة لي حد كده بتبقي مشتاق تشوفه بيضحك ولا زعلان ولا إيه أخباره ودايما تحب تكون جنبه يعني علي الأقل إذا كانت ف المدرج تلاقيني معسكر هناك وأيامها كان احلامى معاها :

رقم 1: إنها تحس بيا وباللي ف قلبي نحيتها اقولكوا إيه ولا إيه كنت عاملها اراجوز

ولا هي حاسة بحاجه ف الفترة كنت بنام وأنا قدام المرايه وكنت بغير والله ف الأسبوع مرتين...... مره حد وتنين وتلات ومره أربع وخميس وكان عندي ﭼﺎكت اسود تشوفوني فيه تحسوا إن أنا "رمضان أبو خميس" مين رمضان والله ما اعرف الجاكت ده يعيني عليه داب ويا ريته بفايده ومترح ما تقعد وراها ف ديلها زى العيل الصغير كنت ساعات أحس إنها حاسة بيا وباللي جوايا نحيتها بس مكسوفة وساعات أحس إنها شايفاني قرد ......بشلاضيم ...... ف الفترة دي كانت دقني عامله زى........ فجل الجنينه البايظ وطبعا الناس فاكره اللي مبيحلقوش دقنهم ف الدراسة بيبقوا سهرانين الليل بيذاكروا مش فاهمين اللي جاري

.أخره أنا قولت لنفسي بلاش العذاب اللي أنا فيه وجات عليا فتره مكنتش بحضر أي محاضرات وكنت نايم ف السرير وبخبرتي اقدر اقولقوا إن "الحب ده زى الإسهال محدش يقدر يسيطر عليه"شايفين التشبيه إيه الحلاوة دي

. وفجأة أيام الامتحانات بقت بتتبسط لما تلاقيني معدي قولت خلاص البت دابت

وف الفترة دي كان حلمي معاها رقم2:إني اعرف عنها كل حاجه ومش هتصدقوا إنها طلعت قريبتي أصل ابن عمي شافها وقال إنها قريبتنا بس هي عايشه ف الفيوم يوميها حليت ف الكيمياء ولا كأنني النابولسي ف زمانه وروحت رحت الغيط ورجعت البيت استحميت ونمت وحلمت خير اللهم اجعله خير إن أنا" وفلان وفلان وعلان"إننا قاعدين علي البحر وعمال اسمع حد يصرخ ويقول "الحقوني أنا بغرق" قولتلهم "سامعين في بنت بتصرخ"وهما ولا كأنهم سامعين ويقولولي "إنته بيتهيئلك"حسيت إن الصوت بدأ يسكت جريت ونزلت الميه ولقيتها هي (حبيبتي) بتغرق خرجتها من الميه لكن بعد إيه حبيبتي ماﮄ......" قعدت اصرخ وانده علي حد يساعدني وقعدت اطمن نفسي واكلمها وهي مش بترد لأ لأ مش ممكن ده يحصل ومره واحده الجو الكئيب اتحول لشمس ولقيتني ماشي وشايل صندوق حاجه ساقعه و معايا أبويا وأمي واخويا الصغير ودخلنا بيتها ودخل أبوها"عمي- حمايا"وعمها وبعدين دخلت والدتها وقالتلي "شرفت يا ابني " ودخلت الغندورة"حبيبتي" وأول ما شفتني قعدت تضحك وتضحك ولقيتها بتشاور علي البنطلون بصيت أشوف إيه اللي بايظ ف البنطلون لقيتني لابس شورت ﭼينزو Boot قولت" إيه اللي أنا عامله ده" أمها قالتلها عيب يا………""دول ضيوف وخرجت""……….ولقيت حماي بيقولي الشبكة هتكون بكام وهنجيبها امتي وإيه اخبارالشقه خلصت تشطيبها ولا هي هتكون مفروشة والمطبخ طبعا عليك والسفرة وقوضه النوم والجلوس والستايروالفرح …..تفتكروا إيه اللي مش عليا ؟؟ وبمجرد ما قلتله أنا مش معايا فلوس لكل ده الوجه البرئ بتاعه اتحول لدراكولا وزغرلي وهجم عليا ومعاه ساطور كان مخبيه تحت الكرسي وقالي"قب ياد بالشبكة"وأنا عمال اصرخ وأقول"فين الشبكة فين الشبكة"و زى كل مره لقيت أمي بتصحيني وتقولي "شبكة إيه يا منيل اللي بتسأل عليها".

عايزيين تعرفوا النهاية ألمأساويه لحكاية حبي أنا و"………"تابعوا العدد اللي جاي من:

إعدادي 2009

زائر

ههههههههههههه

انا لسه جاى من بره والفجر بيدن اهو او على ادان ولقي القصه دى نفضت لاكل وقعدت استنى هاتعمل ايه النهارده

بس على فكرة انا هاشيل القصه دى عندى علشان لما تبقى حاجه كبيره ابقى اقلب رزقى بيها استغلك يعنى ههههههههه

يعني هي عجبتك ولا لأ يا بسام انا خايف لتغر ولا انته بتتريق

بصراحة مش عجبانى لان مش دى شخصيتك وانت بتهيص فى الكلام وخلاص
ولا انت شايف ايه.؟

بص يا عم علي انا قولت ان دي حكايتي فعلا وشكلك كده متعرفنيش اساسا و انا كتبت اليوميات دي باسم مستعار علشان اقدر اتكلم براحتي بس ده ميمنعش انا ضفت ليها حاجات عشان متبقاش ناشفه يعني متخنقش يلا مستني ردك

بس انت بتدخل فى تفاصيل زيادة عن اللزوم اوى بتتكلم 3 سنين وبعد كدة فى الاخر تقولنا دا كان حلم وبعدين بتنزل جزء كل سنة؟

المشكله ف النت لانه بيفصل دايما بس انته تعرفني ولا لأ

بعد الكلام ده عرفتك الى حد كبير خصوصا ان واحد صاحبى سالنى نفس السؤال ده كذا مرة

اوك طيب اديني اماره كده

زائر

؟؟؟؟؟؟؟؟؟؟؟؟؟

بلاش امارات لانى لو قلتها الكل هيعرفك

زائر

فعلا الراجل بيقول كلام زى الفل

ماشي يا عم علي بس لعلمك بسام هو اللي عرفني الاول ومعلش اني رديت متاخر بس عشان النت بيفصل

زائر

شكرا يا معلم يوسف (الفارس الملثم )

معلومة ل(يوسف)
انا مش بدخل المنتدى التانى

كويسه منك احسن من الجزء التانى

بس فين الباقى؟؟؟؟؟؟؟؟؟؟؟؟؟؟؟؟؟؟؟؟؟؟؟

زائر

????????????

ايه اللى جاب المنتدى التانى دلوقتى هوا انا قلت انى عرفته من المنتدى التانى

بص ياعلي بسام مرفنيش من المنتدي التاني وانته بقي كده انا اتاكدت انك متعرفنيش بس ازاي انته مرفتنيش واللي بياكدي ككلامي انك لحد دلوقتي مقولتليش واحنا في الجامعه اي حاجه عن الموضوع ده بس اللي واضح انك بتوقع بسام في الكلام والمصيبه الاكبر لو بسام كمان يكون حاطط في دماغه اني حد تاني

زائر

عليا الطلابات انا معرفك يا يوسف انتا مسسنى انك غامض للدرجه كبير ه

يا دي النيله حتي انته يا عم قولتلك من سنورس ومعاك في الكليه ناقص ايه تاني خذلتوني بس مش مهم يمكن السنه الجايه تعرفوني هههههههههههههههههه مين يعيش

زائر

ان شاء الله اعرفك بس انتا كده بتزداد غموض قوىانتا اول سنه ليك فاعدادى السنه دى مم

طيب انا هنده كرومبو يشوف مين يوسف ده

ياعم بسام انته مش مركز خالص مش انا خدت خمسين جنيه عشان انا كنت مرحله تانيه السنه دي يبقي المنطق يقول انها اول سنه ليا في الكليه وخلاص علي هيبعت الواد كرومبو بس قولي مين بقي كرومبو عشان اخد بالي ياعم

زائر

يعنى مكنش ينفع يبقى السنه اللى قبلها ؟؟؟؟؟؟؟؟

المهم انتا من سنورس ولا ته تابعه ليا

حلو

ومستني الباقي

» يوميات اعدادي 2009الجزء الاول
» يوميات اعدادي 2009الجزء الثاني
» يوميات طفل شقياااااان
» يوميات شاب سيس على النت
» دورة تعليم الفوتوشوب باللغة العربية......فيديو (الدرس الثالث)