النتيجه ظهرت يا رجاله

يا جماعه النتيجه ظهرت على الرابط ده ادخلوا شوفوها

http://www.fayoum.edu.eg/results.aspx

وانا شلت مادتين يا جماعه

ربنا يوفقكم

انا نزلت رياضة على 19 درجة
يالا الحمد لله على كل شئ

منا لو كنت جبت 5 فالميكانيكا كنت مشلتهاش

انما لو جبت كتير فالرسم كت انزل بردوا ههههههههه

الف مبرووووووووووووك ليكم يا رجاله
انا جبت جيد مرتفع 73.5%.............ي

الله يبارك فيك يابلال ومبروك ليك يا عم الف مبروك

علي فكره يا جماعه مفيش حد بيشيل ماده زي الرياضه او الفيزيا لو كان ناجح في المجموع

يا علي لو ال19 درجه دول ترم واحد يبأ مش شايل حاجه مادام المجموع ناجح في الماده

لا
انا شايل ترم اول بس لكن ناجح ترم تانى الحمد لله

مبروك لكل الناس
أجمل حاجة فى النتيجة انى و الحمد لله جبت امتياز فى الرياضة كمجموع وبصراحة ده كان تحدى بينى و بين نفسى
لأن بعد الميدتيرم ودرجته الزبالة قولت ل أن انجنير انى ان شاء الله هجيب امتياز رياضة و الا هحول من الكلية دى
خالص و يانا يا سامى البدوى
بس الحمد لله ربنا نصرنى عليه علشان ظلمنى فى الميدتيرم
بس الحمد لله

والله سامى ده منه لله افترى عليا كتير
لكن الحمد لله شيلنى ترم واحد بس

الحمد لله على كل حاجة
و ربنا يسهله ويعوض عليك

الحمد لله على كل شئ وانا راضى تمام الرضا لانى بردو الترم الاول كنت مستهتر شوية
لكن باذن الله هتتعوض والسنة دى همحيها من تاريخ حياتى

طيب ياعم منا كنت عاوز 5 درجات فالميكانيكا وانجح

وسامى بيدى لكل واحد قها الا اللى بيستغبى

اكيد انت مرفوع في ماده تانيه اكتر من 10 درجات
لأن انت ليك 15 درجه رأفه في السنه كلها

لا انتا فهمتنى غلط انا قصدى لو هوا ادانى 5 درجات من عنده كنتا دخلت الرفع وعدت ميكانيكا الحمد لله

الف الف مبروك للجميع

وربنا يوفقنا جميعا

مع تحيات ليلي

البرنسيسة سابقا

ههههههههههههه

اهلا بيكى ليلى
ومبروك ليكى على النجاح

طبعا الف مبروك للجميع ولن شاء الله السنة الجاية احسن ونكون اتعلمنا من اخطائنا

بالنسبة لى انا جبت 74 % يعنى جيد مرتفع بس بصراحة متضايقة جداا عشان الرياضيات التيرم التانى مش كفاية انه ظلمنى فى الميد تيرم لا وكمان فى الفايتال مع انى اصلا كنت عاكة بس مش للدرجة دى يعنى 00000000000عموما وعلى كل حال الحمد لله رب العالمين :)

الف مبروك يا انجنير

ربنا يوفقك دايما

والله ربنا بيوفق اللى بيعمل اللى عليه

الف الف مبروك يا جماعة وعقبال السنين اللي جايه وربنا يعوض اللي نزلوا وينجحهم ان شاء الله

ألف مبروك ياجماعة
وعقبال السنين الجاية
وان شاء الله اللي حصل معاه أي حاجة هيعوض ان شاء الله

الف مبروك لكل الناس ويارب تكونوا حققتوا الي كنتوا عاوزينه وربنا يكرمنا جميعا

بس الف مبروك دي مش بتاعة احمد حلمي لا بتاعة ميمي

مبروك يا رجاله لكل اللى نجح واللى معاه مواد زى انا وعلى ربنا يوفقم السنه اللى جايه بس والله الواد خد دروس من السنه دى وان شاء الله هاحاول اعود على الاقل للى كنت عليه

انا عن نفسى بعتبر انى مش شايل حاجة لانها ترم واحد
والرياضة سهلة الترم الاول بس انا اللى كنت مستهتر
لكن الحمد لله