شاب كغيره....(اللهم ارحمنا برحمتك)

شاب كغيره
يريد ان يحيا طاهرا ولا ينظر للحرام ولكن يجد ان زمانه بات فيه الحرام اسهل واهون بكثير من الحلال
فعندما كان يحلم بزوجه صالحه وجدت ان هناك قائمه لا تنتهى من المتطلبات التى لا تنتهى وحيث انه كغيره من الكثيرين الذين جاءوا الحياه ليجدوا ابآءهم ليسوا من اصحاب الالوف او الميلايين بل هم من الطبقه الكادحه ويكفى انهم استطاعوا ان يصلوا بابنائهم لبر الامان واكملوا تعليمهم
فماذا يفعل وهو يرى ذلك والمصيبه الكبرى انه يجد ان معرفه فتيات الليل للاسف الشديد اسهل بكثير من الزواج فاما ان ينحرف او ان يكون ايوب , فمتى نرحم شاب مثله
شاب كغيره
عاش يحلم بالعمل الذى يرضى طموحه والذى سيحقق به امانيه بالنجاح فيه ولكنه فجأه يجد نفسه مجبر على ان يتحمل ما يفعله رب العمل من مخالفات والامور المعروفه والا كان مصيره المقهى الذى بات يعج بمثله من الشباب
او ان ينحرف فيتعلم السرقه او اى شيئ كذلك
فمتى نرحمه ونتيح له فرصه ليظل نظيفا ونرحب به معنا
شاب كغيره
لم يجد ما يسمى بـ "الواسطه" ولذلك كان مصيره الشارع الذى هو بدايه النهايه لكل طموحاته
شاب كغيره
اختار ان يعمل اى عمل شريف ولكنه وجد كلام الناس كاسهم مسمومه تخترق عزيمته وتقلل من همته وتدفعه الى طريق اخر يسهل الحصول فيه على المال وتضيع فيه الانفس الضعيفه
شاب كغيره
اراد ان يحيا وان يتم الله عليه ستره وحاول ان يأخد قرضا ليبدأ به حياته فوجد ان عليه ان يقدم ضمانات خياليه لو كان موجوده ما كان له اصلا ان يفكر بالعمل وفى نفس الوقت يسمع كل يوم عن الميلياردير الهارب الى ......... وغيره ممن نهبوا المال العام فاين كان الضمانات وقتها؟؟؟؟؟؟؟؟؟
شاب كغيره يريد ان يشعر بان هناك من يتقبله ويساعده على الابتعاد عن الخطأ ولكنه يجد وجوه صامته قاسيه لا تعرف للرحمه معنى ولا مفهوما فيعود الى ما كان عليه و هو مكسور ويشعر بالضعف والالم
ولكن منيشعر به لقد نسى الناس ان الله يغفر الذنوب جميعا عدا الشرك به وباتوا يقولون هذا خطأ لا يغفر
اللهم ارحمنا واخرجنا من هذه الدنيا سالمين ومن اختباراتها ناجحين والى الجنه ذاهبين
يا ارحم الراحمين اغفر لى ولكل مسلم فنحن فى زمن قال عنه حبيبك القابض على دينه فيه كالقابض على الجمر
رحمتك ربى وسعت كل شيئ اللهم اجعلنا ممن رحموا برحمتك
وجزاكم الله خيرا اخوتى فى الله
اعذرونى على كل هذه الاشياء المحزنه ولكن صدقونى الحقيقه محزنه اكثر بكثير من كلامى
مش منقول

شكرا ليك يا نشوان على الموضوع بجد جميل جدا

جميل جدا

وفعلا(القابض على دينه فيه كالقابض على الجمر)وماينطق عن الهوى
شكرا ليك يا نشوان

اللهم امين
كلام جميل جدااااا
ودده طبعا واقع احنا عايشينه
تسلم ايدك ع الكلام الجميل دهو

هو فعلا على قد اما فى ناس كتيرمش كويسه فى ناس تانيه العكس بس مينفعش الواحد يقول مهيا الناس كلها بتعمل كده لمجرد انه يبرر حاجه غلط وربنا يرحمنا و يهدينا كلنا وشكرا على الموضوع

جميل جدا مش قادر اوصفه وخصوصا انه من تاليفك

بجد متشكر على المرور والردود الحلوه دى
بس يا اريا ساعات الانسان لما بيكون ضعيف بيبقى محتاج حد يكون جنبه يقويه ولما مش بيلاقى حد للاسف غصب عنه بيمشى فى الطريق الغلط وده طبعا مش مبرر للغلط بس ده سبب من الاسباب الكتيره للوقوع فى الغلط

ده رأيى الخاص فى الاول وفى الاخر

هو الوقوع فى الغلط ليه اسباب كتيرة اوى يا نشوان لكن المفروض ان المؤمن
ما يوقعش فيها او يحاول يتجنبها

موضوع جميل
وبصراحه الجمله دى فى غايه الروعه
(القابض على دينه فيه كالقابض على الجمر)

اكيد يا على وده اللى انا قولته
وطبعا يا تيتو معاك حق فهو ما بنطق عن الهوى رسولنا الكريم
وجزاكم الله خيرا على المرور

موضوع رااااااائع يا نشوان ويناقش واقع مؤلم ومن المؤسف ان هذه هي الحقيقة التي لابد الاقرار بها كي نستطيع ايجاد حل لها

ومعلومة يا طه هذه ليست جملة ولكنه حديث شريف ( للايضاح )

اي شاب في بدايه حياته لازم تقبلوا كل الصعوبات دي
هي طبعا بتبقي عواقب كتييييييييييييره
بس بجد كون انه يمشي في الطريق الصح او الغلط والله بيرجع للطريقة تربيته واصحابه
مهما كانت الصعوبات ومهما الناس اثرت عليه بكلمهم
فهو هيلجأ ليهم اول ما تقبله مشكله
وموضوع جمييييييييل جدااا كالعاده واسفه علي الاطاله

شكرا يا سيسى
انت توضح زى مانت عايز يا صاحبى

شكرا على المرور يا جماعه
وتعليق على كيند جيرل
الاول اتشرفت بردك ومناقشتك لكن اللى انا عايز اقوله ان دينا دين يسر "يسروا ولا تعسروا " وطبعا ده فى كل حاجه فى حياه المسلمين
كمثال موضوع الزواج واللى بقى عقبه كبيره قدام كتير منا
والمشكله ان الموضه اللى طالعه اليومين دول ان الطلبات على الولد بتكون كبيره مثلا وكانه تفنن فى تعجيز الشباب
طب انا عندى استفسار لما اتقدم لواحده والاقى مهر بالشيئ الفلانى وشقه كام اوضه و و و الخ
حاجه من اتنين يا اما والدى هيساعدنى وانا بعتبر دى اهانه للرجوله لان مش من الصح ابدا انى ابدا حياتى بمساعده من والدى بالشكل ده
او انى افضل اجهز فى نفسى لحد ما ربنا يأذن واكون كونت نفسى وساعتها اجمل سنين العمر هتكون ضاعت اكيد
ولا قيسى بالشكل ده كل الحاجات اللى ذكرتها
لازم والدى يكون ليه معارف علشان الاقى شغل كويس ومبقاش تحت رحمه حد
فى النهايه انا شايف اننا احنا اللى بنضيع شبابنا بالحاجات الغلط واللى ملهاش لازمه
وعذرا ع الاطاله

nice topic

موضوع جميل
بس انا شايفة ان الشاب المؤمن يقدر يواجه الصعوبات دي بالتوكل على الله واللجوء اليه
وبالعزيمة والارادة
وبعدين مش كل الناس بتصعب الزواج على الشباب
بقى في تفهم اكتر
ويا جماعة لازم الواحد يكون عنه اصرار علشان يحقق هدفه
وما ينصعش للواقع مدام يقدر يغيره
اسفة على الاطالة

مشكوووووووووووووور على المجهووووووووووووووود

متشكر على المرور الرائع وتفاعلكم المفيد مع الموضوع
ورأيك صح يا انجل بس متنسيش ان الانسان ضعيف لكن طبعا بالايمان هيقدر على اى حاجه

شاركني بقه انت كمان في موضوعي وده الرابط
https://engfayoum.yoo7.com/montada-f2/topic-t2334.htm

موضوع جميل

والاجمل انه من تاليفك

وانا مشتركة مع انجل فى رايها

متشكر على المرور
وشكرا على المجامله الرقيقه دى يا لى لى
ومن عينيا يا نصر الله انت تأمر يا باشا