اشياء لا يجب ان تحدث فى منتدانا "هذا رأيى الخاص"

سلام الله عليكم اعضاء منتدانا الكرام
فى البدايه احب ان اقدم توضيحا هام "هذا الموضوع موجه لكل شخص يقوم بالافعال التى ساقوم بذكرها وليس موجها لشخص بعينه "
لفت انتباهى العديد من الافعال التى تليق ابدا بأى منا, ومنها ان يقوم عضو ما بالدخول لموضوع وبعد ان يقرأه يغادر الموضوع بدون حتى كلمه شكر لكاتب الموضوع.
من المعلوم انه من الذوق ان تشكر اخاك على تعبه وان تشكره ان كان موضوعه قد اعجبك ومن حقه عليك ان تنتقده حينما لا يعجبك موضوعه. ام انك لك رأيا آخر؟؟؟؟؟؟؟
يا اخى لو ردك ليس هاما ما كان يحسب لك بمساهمه كامله مثله مثل الموضوع ,فهذا مساهمه وهذا مساهمه ايضا.
انك لا تبخل بالرد فى الالعاب ولا تبخل بشكر من ردوا فى موضوعك فلماذا اذن تبخل بكلمه شكر لاخيك بالمنتدى, يا اخى لا تنسى عامل الناس بمثل ما تحب ان يعاملوك به الا ان كنت ترى انك لا تريد ان ترد فى موضوع احد ولاتريد ان يرد احد فى موضوعاتك فحينها للاسف انا مضطر ان اقول لك ان مكانك ليس بيننا.
شيئ اخر لفت انتباهى وهو ان هنالك من لا يقبل النقد وهذا يجب ان يعلم ان الكمال لله وحده الواحد القهار وان النقد ليس عيبا ولكن العيب كله هو الا تقبل النقد او الا تلقى له بالا , يا اخى ان من ينتقدك يريدك فى افضل صوره ولو انه لا يكترث لك ما كان له ان ينتقدك او يوجه لك كلاما من الاصل.
ويا اخوتى تذكروا دوما ان طريقة نقدك للاخرين قد تجعلهم يقبلوا النقد ويبدأوا فى تغير ما بهم او ...... قد يجعلهم يرفضون نقدك وتدخلون فى حاله من العند والتى ليس لها اى اهميه .
فهناك فارق ضخم بين النقد والهجوم .
وهناك شيئا لا يقبله احدا منا وهو ان الاختلاف فى الرأى ايا ان كان سببه لا يعطى لاحدا ان يخطأ فى حق اخيه او اخته فانا وانت وانتى وكلنا جميعا لا نقبل هذا لا علينا ولا على غيرنا.
اخر طلب وهو
المنتدى ملتقى لتلاقى الافكار وعرض وجهات النظر فمن فضلكم اتمنى نجعل موضوعاتنا غايتها الافاده وان نجعل مناقشتنا هدفها التكامل فيما بيننا
هذا الكلام لى قبل ان يكون لكم وارجو من الاعضاء التفاعل مع الموضوع لكى يستمر المنتدى ولكى نرتقى به اكثر واكثر .
واعلم اخى ردك على الموضوع لا يعنى انك ممن ذكرت ودفاعك عنهم ايضا لا يعنى انك منهم
وفى النهايه ما رأيك فيما اقول؟
هل ترى اننى على حق؟
ام ان لك رأيا آخر؟؟؟؟؟؟؟؟؟؟؟؟

والله كلام زى الفل يا نشوان وعندك حق فى كل كلمة
وحتى يا جماعة لو حد مش عاجبه الموضوع ممكن يكتب
رد لكن بطريقة شيك من غير ما يزعل منه حد وده سهل اوى

زائر

شكرا يا نشوان على توضيح النقط الهامه دى وياريت الناس تاخد بيها وانا عن نفسى هاحاول انى الغى مشاركات قسم الالعاب يعنى المساهمات مش بردود لانه بقى تافه جدا

هعيط بجد وصعبت عليا نفسى تعبان

زائر

ماشى يا ظريف عيط بعيد عن هنا

شكرا ليك يا نشوان على انك طرحت موضوع مهم زى ده

كويس إنك نزلت الموضوع ده يا نشوان عشان أنا بدايق من اللى بيخش يتريق على المواضيع

كلام جميل طبعا
ومع حضرتك حق

كلام جميل و وجهة نظر محترمة
بس اعتقد ان اللي بينزل موضوع بيبقى مش مستنى شكر من حد
بينزله علشان الكل يستفيد وهو كمان ربنا هيجازيه على كده

هى وجهة نظر تحترم يا انجل لكن بجد ممكن اى حد يحصله احباط
لما يجيب موضوع ويكون كويس وعاجبه ويلاقى عدد مشاهدات كبير جدا
وما يلاقيش ولا حتى ايموشن كدة ممكن يعتقد ان الموضوع تافه واقل
من ان اى حد يرد عليه فيقول طب وانا احط موضوعات تانى ليه؟؟؟

تسلم ايديك يا نشوان وكلام زى الفل والله

مع تحيات
مازن

lo0o0o0o0ol

i agree with u
اشياء لا يجب ان تحدث فى منتدانا "هذا رأيى الخاص" 23961_1224634833

كلام مقنع يا نشوان وموضوع جميل

زائر

يا جماعه بالنسبه لكلام انجل هوا الواحد لو حط ايموشنز زى دى هايحصل حاجه بس تحسس الواحد انه عامل حاجه يعنى انا اما هانزل حاجه فيها روابط تحميل او كده محدش هايعرف يشوفها الا اما يرد

أنا شايف انه كلام سليم بس احب اقولك يا نشوان ان مواضيعك كله حلو حتي لو محدش رد عليها وبعدين انت الخير والبركة ولا ايه

زائر

طيب والنبى يا سيسى فكك من ام الالعاب والموضوعين بتوعك اللى مبتردش الا عليهم

اعتقد ان نشوان كان قصده
ان المنتدى علشان يمشى ويبقى منتدى شغال مش نايم
لازم الاعضاء يبقى فى بينها وبين بعض تقدير
لكن طبعا مفيش حد بينزل موضوع علشان مستنى رد
ده اللى انا فهمته من كلامه

زائر

فعلا يا دراجون يعنى فى ذمتك هوا لما حد يقولى شكرا هاستفيد ايه بس هيا كده المنتديات علشان يمشى لازم يبقى فيه ردود

جزاكم الله خيرا على التفاعل
فعلا كده الواحد بقى مطمن انه فى منتدى الكل فيه بيخاف على شعور التانى
وشيئ جميل منكم
واحب اقول لانجل
ان زى ما عبدو قال
محدش بينزل موضوع علشان الردود كل الحكايه
اننا لازم نقّدر بعض
لاننا اعضاء منتدى واحد
واعتقد انها مش صعبه اننا نتعلم نقول كلمه شكرا او جزاك الله خيرا "تكون افضل من شكرا" , وطبعا انا مش قصدى حاجه بكلامى انا مقتنع برأيك تماما لكن حبيت اوضح الصوره

موضوع كويس أوووى يا باشمهندس نشوان

بس عاوز أزيد كلمة أو إتنين

الناس تحط النية قدام ربنا
وهيه وبتكتب

أنتا بستخدم النت ليه
أه وقتك فاضى طيب إشغله بحاجة مفيدة
كلمة تقرأها
ثقافة تزودها

ملكش حجة ده ماوس وكيبورد
زيادة عن كده مفيش

يبقى الحل الناس تكون

إعذروونى فى اللفظ

محترفين
لأن للأسف وبكل صراحة
اللى شايفه

يا اما محاولات للتعرف على الجنس الأخر
أو محاولة فرض سطوة قدام أى حد تانى
أو كلام مش ليه أهمية جامدة

اه حط موضوع معين

لكن إنتشر فى حاجة تانية

يا رب تكون فكرتى وصلت

يا ريت أسمع من الشباب

كلامك صح اكيد
بس انا ليا تعليقين
الاول انا اختلف معاك فى حكايه اننا يا بنحاول نتعرف على الجنش الاخر يا اما بنحاول نفرض سيطره او سطوه
والاسباب كتيره اكيد انت لو اخدت بالك هتلاقى ان فى ناس غير اللى انت قولته وان كنت عارف انهم موجودين فمن العدل انك تتكلم عنهم زى ما اتكلمت عن الناس اللى مش بيستخدموا النت والمنتدى صح
اما بقى التعليق التانى
هو انا ممكن اسالك بس بدون زعل
ايه لازمه ان تقول هاكتب ليكم عربى يا فيوميه
اصل اللى انا اعرفه ان كل اهل مصر
القاهريين والاسكندرانيه و............. الخ
بيتكلموا عربى يعنى
انا مش قصدى حاجه يا استاذ بيو
بس اصل فعلا ضد استخدام الانجلش خارج نطاق الدراسه لانهم لو قدرا يفرضوا علينا ان الدراسه تبقى بالانجلش
فمش من حقهم اننا نتكلم بره الدراسه بالانجليزى "علشان بتعب من انجلش" ههههههههه
وشكرا على اقتراحك

جزاك الله خيرا ع الرد التمام ده

بص

أنا بتكلم عن الحاجة اللى شايفها من وجهة نظرى الضعيفة غلط
فى منتدى لسه بيدأ مشواره على النت

لأن الصح هوه الفطرة والحاجة الكويسة من اللى زيك

تانى حاجة

انا كاتب التعليق جوه التوقيع بتاعى

خد بالك من الفاصل

أصل
شخص ما
هنا
بيرد يقول
مش انتا من سنورس ستى
sinnouris city
يبقى لازم تكتب عربى

لأ فعلا نعم السبب اللى ممكن اقتنع بيه

» حسنى عبد ربه: الإتحاد الأفريقى ظلم "مصر" قبل أن يظلم "أبو تريكة" !
» الهداف الجزائرية: مطربة "الإغراء" تجدد مساندتها لمنتخب "الساجدين
» الى كل اعضاء منتدانا الكرام
» طريقة إخفاء الأى بى الخاص بجهازك
» ميسي "المنقذ" يقود برشلونة للتأهل لنهائي كأس اسبانيا