المرأه

المرأة أهم رابطة تربطنا بالحياة.

· متى تكلمت المرأة فأسمع ما تقوله عينها.

· الشيطان أستاذ الرجل .... وتلميذ المرأة.

· امرأة الرجل المهمل شبه أرملة.

· لا تسند إلى الجدار المائل ... ولا إلى امرأة.

· أجمل العيون وأكذبها .. عيون النساء.

· ما لا يقدر عليه الشيطان ... تقدر عليه المرأة.

· وعود المرأة تكتب على صفحات الماء.

· عندما تفكر المرأة بعقلها.... فإنها تفكر في الأذى.

· المرأة كظلك ..أتبعها تهرب ..وأهرب منها تتبعك.

· ابتلع الشيطان امرأة فلم يستطيع أن يهضمها.

· يستطيع الرجل أن يحمي المرأة من كل رجل إلا نفسه.

· كل رجل ابن امرأة.

· ثلاثة أنواع من الرجال لا يفهمون النساء ... الشبان والشيوخ والكهول.

· آخر ما يموت في الرجل قلبه.... وفي المرأة لسانها.
_________________

انتو ليه دايما واخدين فكرة وحشة عن المراة
ودايما عايزين تزلوها
اعرف ازاى تتعامل مع الجنس اللطيف
وبالتاكيد مش هتلاقى اى حاجة وحشة منها
:flower:

المراة هى الجزء الذى يضىء المجتمع

الجنس ده مش لطيف دائما ساعات بيكون انانى جدا وساعات بيكون ظالم وقاسى ومن غير المراة ممكن نضيئ المجتمع
باللمبات الفلورسنت او حتى الشمع

ماااااااااااشى جرب تقعد يوم من غير الست الوالدة فى البيت وانا متاكدة انك مش هتعرف تقعد وخلى بقا اللمبة الفلورسنت ولا الشمع ينفعك

انتى كدة بتحطينى فى خانة اليك وعندك حق وهنا بقى تولع الشمعة واللمبة

لا النساء ليهم اهميه في حياة اي راجل لاننا بمعني اصح مخلوقين من نفس واحده وبعدين حاجتين في الدنيا ملكش دعوه بيهم قالوه ايه يا بابا قالوه الخمره والنسوان وسلالالالالالالالالالالالالالالام


علي فكره بهزر

انا اعرف مثل كانو بيقولوهولنا واحنا صغيرين كانو بيقولو ان : النظافة من الايمان والشتيمة من ال................... بلاش علشان امى وخالتى وعمتى كلهم ستات
ههههههههههههه

اولا انا مش معنى انك فقدت مامتك ان خلاص والله بالتاكيد ربنا عطيك حاجة حلوة او شيلك حاجة حلوة

وكمان البنت مبتحطش حد فى دماغها وعايزة تنتقم منه الا لو هو عملها حاجة كبيرة

اوجرحها جرح كبير فبالتاكيد لازم تنتقم ودى طبيعة البشر مش البنت

انت بتقول فيه فرق بين الام واحنا
انا مش بقول قارنا بالام
ممكن تقارنا باختك

والله البيت اللى مبكنش فيه بنات بيبقى رخم جدا

انا عارفة انى بدافع عن البنات بس ده اقل حاجة ممكن اقولها


متوووووووواضعة

حب المراة للرجل يمثلها كل شى

اما حب الرجل للمراة يكون شى من اشياء

حكمة جامدة اوى دى اما بالنسبة ليك يا بسام طالما الستات كلها عاملالك مشكلة يبقى العيب فيك انت هههههههه

هههههههههههه
أتفق معكى يا برنسيسة فالمرأة هى نصف المجتمع الذى يضيئه كمان الانسان (أقصد الرجل )لن يكتمل دينه الا بالزواج
ولا أظن انه سيتزوج برجل

ههههههههههههههههههه والله حكمة جامدة يا فيومى يعنى زى اللى بيقولو دبور وزن على خراب عيشته

أعتقد إن أكتر رأي حقيقي هو رأي الفيومي وهو قايله عن تجربه أكيد

ياجماعة وراء كل رجل عظيم امرأة عظيمة
و مش كل البنات زي بعض فيه الكويسه واللي غير كدة بس برضه بيبقو هما أساس معظم المشاكل
وشكرا عل الموضوع الجامد ده يابسام

هى حكمتك ناقصة حاجة هو وراء كل عظيم امراة هتشنكله وتوقعه على جدور رقبته

لا الحمة الصح

وراء كل عظيم امراة مسكاله شبشب

إيه ياجماعة هي الحكمة اتغيرت إمتي مش تقولولي
الأصح بقي وراء كل رجل عظيم امرأة خاربة بيته وخنقاه ومطلعة عينيه

ياجماعة من الاخر
المراة ممكن تشقلب كيان الراجل
وتقدر على كدة لو هى عايزة

طيب ما هى بردو ممكن تغير حال الراجل للاحسن وتقدر بردو لكن هما بيحبو الشر

الرجل المتدين اللي يعرف ربنا ويعرف حقوق مراتة علية هو اللي هيخلي حياتة الزوجية سعيدة جدااااااااااااا بدون اي مشاكل عشان الست لما بتلاقي زوجها كويس معاها هي كمان بتبقي كويسةجدا

يا جماعه انتو عملتوا موضوع جوا موضوع
واعتقد ان المرأه مثل الرجل تستطيع ان تجرح وان تخون كما انها تستطيع ان تسعد وتهون الصعاب
وكما قال رسول الله صلى الله عليه وسلم خير متاع الدنيا الزوجه الصالحه