حسنى مبارك الى شعب مصر

شعرحسنى مبارك الى شعب مصر
يا شعبى حبيبى ياروحى يابيبى هاحطك فى جيبى يا ابن الحلال
ياشعبى ياشاطر ياجابر الخواطر يا ساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبى يانايم وسارح وهايم وفى الفقر عايم وحاله ده حال
احبك محشش مفرفش مطنش ودايخ مدروخ وآخر انسطال
احبك مكبر دماغك مخدر ممشى امورك كده باتكال
واحب اللى ينصب واحب اللى يكدب واحب اللى ينهب ويسرق تلال
واحب اللى شايف وعارف وخايف وبالع لسانه وكاتم ماقال
واحب اللى قافل عيونه المغفل واحب البهايم واحب البغال
واحب اللى راضى واحب اللى فاضى واحب اللى عايز يربى العيال
واحب اللى يائس واحب اللى بائس واحب اللى محبط وشايف المحال
واحبك تسافر تبعد تهاجر وتبعت فلوسك دولار او ريال
واحبك تطبل تهلل تهبل عشان مطش كورة وفيلم ومقال
واحبك تأيد تعضعض تمجد توافق وتنافق وتلحس نعال
تحضر نشادر وتجمع كوادر تلمع تقمع تظبط مجال
لكن لو تفكر تخطط تقرر تشغلى مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعاوز تطور وتعملى روحك ابو >>الرجال
ساعتها حجيبك لايمكن اسيبك وراح تبقى عبرة وتصبح مثال
حبهدل جنابك واذل اللى جابك وحيكون عذابك فوق الاحتمال
وامرمط سعادتك واهزاء سيادتك واخلى كرامتك فى حالة هزال
وتلبس قضية وتصبح رزية وباقى حياتك تعيش فى انعزال
حتقبل ححبك.... حترفض حلبك
هتطلع هتنزل حجيبلك جمااااااال

هتوحشينا والله يا برنسيسة وعلى العموم انا مااعرفش مين البرنسيسة دى اصلا ولا انتى تعرفينى بالطبع والسلام امانة لكل اللى عندك بتوع النكت السياسية

كويس جدا الناس المستغنية عن نفسها دي

بس يا جماعة نتكلم بجد برضو بابا حسني فيه مزايا مش كلع عيوب
وياريت ما تركزوش على عيوبه وتسيبه مزاياه
ولا ايه؟


امضــــــــــــــــــــاء : مواطن شريف



و.....فككم مني

احنا كده هنروح ابو زعبل
وانا لا اتفق نهائيا مع desert storm فى رايه وبلاش نتكلم اكتر من كده

شكل الناس دى خوافة اوى

ايه ياعم انت وهو وعاملين فيها رجالة

شكلكم بتبطبقواالمثل

الجبن سيد الالبان

هههههههههههههههههههههه

اتكلم براحتك

احنا فى بلد ديمقراطية

يسيبوك تتكلم براحتك بس بردو هيتصرفوا معاك براحتهم

وكل واحد ينام على المخدة اللى تريحه

لا الشعر ده جاااااااااااااااااااااااااااامد

شعر جميل قوي
وياdesert storm ممكن تقول ميزة واحدة ليه ولا انجاز ولا أقولك أنا
1 عدم فتح معبر رفح
2 تزوير الانتخابات
3 قانون الطوارئ
.
.
.
.
.
كفاية كدة وأودعكم بقي

هتوحشنى يا اتش
متقلقش هجيبلك معايا حلاوه طحنيه وجبنه قريش

يا جماعه محدش يخاف
انا معاكم ان شاء الله وهطلع اى حد يروح ابو زعبل

على اساس انك هتروح تنده لزعبل يطلعنا من عند ابوه ؟؟؟؟؟؟؟؟؟؟؟ انت معانا يا صاحبى ههههههههههههه

بس اوعي تندل يانشوان وما تجبش ههههههههههههه
وانت ياعبدو يعني مع اول قلم هتشوفه مش هتسيبني وتجري
هههههههههههههههههههههههه

عيب عليك يا هشام
انا هجرى على طوووووووووووووول

دا الطبيعى بتاعك يا مستر عبدو راجل راجل فى اوقات الشدة هههههههههههههههه :D

طبعا رااااااااااجل
ماهو الجري في الحالة دي كل الجدعنة
ههههههههههههههه

بعمل سيرش علي اليوتيوب ............................
انا شايف انها اغنيه وطنيه جميله جدااااااااااااااااا
ومن هنا بحيي رئيس المنتخب ورئيس مصر والسنغال

ويا جماعه دي امور عارضه ............( هنا القاهره)