اشهر الجمل اللى95% من شباب مصر بيقولوها للبنات

1- حبيبتى انتى عارفه انا مش بحب حركات الشباب الطايش انا اصلا مبكلمش بنات (وتلاقيه يعرف طوب الارض )

************
2- يااااه ياحبيبتى انا حاسس انى اعرفك من زمان ( وهوا تلاقيه متلخبط بينها وبين بنت كان يعرفها قبل كده )
************
3- حاسس ان فيكى حاجه غريبه غير كل البنات ( اكنها مثلا بتمشى على ايديها ورجليها )
************
4- انا حاسس ان فى شبه كبير بين افكارى و افكارك احنا اكيد مخلوقين لبعض (اكيد دى البنت رقم 100 اللى بيقولها كده وكأن بنات الدنيا مخلوقين علشانه)
************
-حبيبتى انتى اول حب فى حياتى وانا حاسس انى اتولدت يوم ماقبلتك (على أساس ان والدته كانت حامل فيه 20 سنه وولدته قبل مايقابلها بيومين )
**************
- يااه يا حبيبتى انتى تؤمرى وانا انفذ اللى انتى عايزاه اجبهولك ( فى المشمش )
**************
7- حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير ( طبعا فاهمين الحركات دى تلاقيه مش عاجبه اساسا)
**************
8- هكلم باباكى اول ماكًون نفسى (موووووووووووت يا حمااااااااااار )
**************
9- حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان
(بففففففففف الاسطوانه المشروخه)
**************
10- انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
( يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ )
**************
11- معلش ياحبيبتى مش هقدر اعدى عليكى بالعربيه النهارده علشان هيا فى التوكيل
( طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه ده لو عنده اصلا)
**************
12- ياحبيبتى انتى بتتكلمى فى أيه انا كل عطورى من فرنسا
(اكيد فرنسا ده جمب عم سيد البقال)
**************
13- ياه لما بشوف رقمك على الموبيل قلبى بيتنفض
)طبعا من الخضه انها تكون فأسته(
**************
14- فلان قالى اديله رقمك بس انا قلتله اقتلنى قبل ماتاخد رقها منى
( ياااااه على التضحيه وهى ياعينى رقمها مع مخاليق ربنا كلهم)
***************
15- حبيبتى عايز صورتك عشان قبل مانام اشاهد فى جمالك واحطها تحت المخده
( لا وهو الصادق عشان لما يتخانقو يهددها بيها )
***************
16- اسف يا حبيبتى امبارح مقدرتش اكلمك كنت مشغوووول فى المذاكره
) قصده معهوش فلوس او مشغول مع واحده تانيه (ـ
****************
17- اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)
****************
18- عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه )
****************
عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)
****************
حبيبتى انا ماستهلكيش
(يييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه)
*****************
انا بعمل كده علشانك انتى
(ايوه ماحنا عارفين باباها قالو لو ماسبتهاش هاحرمها من الميراث )
****************
انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه)
****************
انا هاسيبك علشان مش عاوز اى حد يتكلم عليكى نص كلمه
(ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل )
****************
انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)
****************
أنا مانفعش ارتبط بواحده مشيت معاها
( ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان)
****************
انتى احسن حد عرفته فى حياتى بس مش هاينفع نكمل
(ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)
*****************
انتى اكتر حد حبيته فى حياتى بس برده زى ماقولتلك مش هاينفع نكمل
( لا تعليق)
*****************
حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)
*******************
والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
( لا ماهو واضح )

زائر

هههههههه

حلوة جدا بس العيب على البنت اللى مش ناصحه

جميل يا علوه

انت جيبت القاموس ده علشان توريهم انهم قدموا ولا علشان المراجعه والاستذكار

هههههههههههههههههههه

هههههههههههههههههه
ده للتحذير بس ممكن واحد يقول كلام من هنا ويبقى قاصده فعلا

زائر

ده مين المتخلفه عقليا اللى ممكن تصدق كلام فاضى زى ده
على اساس ان احنا عبط مثلا
لا لالالالالا
العبوا غيرها
وبعدين البنت اللى تخلى ولد يقولها كلام زى ده تبقى بنت..تيييييت
sorry

زائر

صح يا نونا أنا معاكى
وبعدين الولد اللى يروح يقول كده لواحدة مستحيل يكون بيحبها
ده رأيى

يعنى لما واحد يقول لوحدة انه بيحبها وبيحبها بجد وحس انه بدا حياة جديدة لما عرفها
دى تبقى كدب وبيضحك عليها؟؟؟؟؟؟ وهى لو صدقت تبقى تيــــــــت؟؟؟

هو فعلا فى كلام اوفر اوى زى عطوره من فرنسا ههههههههههههههه
لكن يا جماعة ممكن تكون كلمة واحدة وعشرين واحد يقولها وكل واحد يوصلها
بمعنى تانى غير التانى خالص لان الاحساس مختلف ممكن واحد يكون بيحب
بجد وواحد تانى يكون بيلعب و...........و............و........ الى اخره بقى

زائر

ياعلى كلامك مظبوت
بس الحب مش كلام وبس
لان الكلام دلوقتى مفيش اسهل و ارخص منه
اذاكان بيحبها فعلا بجد هيبان على افعاله اكتر من كلامه

يعنى بقى معظم شبابنا للاسف عنده حب التسليه وبس
نسبه قليله اوووووووووووووى اللى بتصدق فى الكلام ده
وليه ميتسلاش مع كل واحده شويه
شكراااااااااااااا على الموضوع وعارفه انه من باب الكوميديا والضحك

انا معاك يا على فى ناس كتير بتتسلى بالكلام

ومتعرفش ان اهم عضو لازم يكون زكى ونظيف فى نفس الوقت هو السان

لان الكلمه من الراجل تمثل بوعد

بس انا متاكد ان كل انسان حتى لو طايش هيجى لنسان يغيرلوه مجرى حياته ويحبه
وده الشى الجميل اللى الواحد بيتمناه

هههههههههههههههههه

جميل جدا الجمل وتعليقاتها

وعايزة فى نهاية البرنامج اشكر طه رده جميييييييل جدا

اما بالنسبة لموضوع الجمل دى

فحسب الانسان اللى بيقول

شكرا لنونا وفانسى على تفهمهم للموضوع

وطبعا طه حبى نورتنى يا بومبو

اما لى لى فانتى كدة الحمد لله فهمتى اللى قصدى عليه
ان ممكن 100 واحد يقولو كلمة واحدة بس كل واحد بيوصلها
باحساس معين فبيختلف عن الباقيين

الحمد لله انا من ضمن الخمسه فى الميه الباقيين
على فكره
مش معنى ان ولد قال كلمه غيره قالها وكان بيكدب فيها يبقى هو كمان كداب غيره
اصل الولد مش هيخترع كلام علشان يقوله للى بيحبها
يعنى مثلا انا لو بحب بنت هقولها ايه ؟
منا لازم اقولها بحبك "طبعا كل الشباب الهايف بيضحكوا على البنات بالكلمه دى"
ساعتها بقى لازم انا اقولها حاجه جديده يعنى مثلا تاكو بيتا
علشان مكونش زيهم
البنت المفروض تقدر تفرق بين اللى بيكدب واللى صادق
اكيد بيبقى فيه فرق اما بقى لو مش عارفه تفرق
دى حاجه تانيه

تمام اوى يا نشوان انت بردو كدة فهمت وجهة نظرى

والله انا شايف ان الكلام ده كله اوفر اوي وبجد محدش يقدر يقوله الا الشباب الي بتتسلي بالبنات والمفروض البنات يفهموا ده .......................... بس في كلام ممكن يكون مشترك بين الي بتكلم بصدق والي بتسلي زي مثلا

( بحبك ( ودي كلمة اعتقد انك مش ممكن تلاقي غيرها عشان يعبر الواحد بيها عن حبه الصادق ) ...........الخ )

ودي وجهة نظري

وفى غيرها كتير يا سيسى
يعنى مثلا لما حد يقول انا حسيت انى اتولدت من جديد
او بقيت شخص تانى ممكن يكون بيتسلى او ممكن تكون
اللى بيحبها دى غيرته فعلا وهو بيتكلم بصدق

ما انا قصدي كده وعشان كده ما حددتش الكلام ده لانه يرجع للشخص الي هيقوله وطريقة تعبيره

وهو ده بردو اللى انا قصدته من موضوعى فى اول الكلام

انا بشكرك يا ليلى
ده شى يدل على نبلك
وبشكرك يا كيمو على موضوعاتك الجميله
وبجد انت اكتر من صاحب ليا

الله يخليك يا طه على ردك الجميل
عموما ربنا الاعلم انت ايه

» اشهر الامثال الشعبيه
» نصيحه يا شباب ويا بنات
» صور عربيات للبنات
» شباب مصر يصطدمون بإيطاليا وباراجواي وترينيداد في كأس العالم