اشهر الامثال الشعبيه

1 (ال يعرف يعرف وال ما يعرف يقول كف عدس) بالصيغة المصريه ال مايعرفش يقول عدس.
دخل رجل على زوجتة فوجدها على فراشة مع رجل اخر , فهرع الظالم جاريا ووراءة زوج المراة المظلوم ومعة سكين , وكانا يجريان فى قريه صغيرة واثناء جريهما وراء بعضهما كان اهل القريه يسالون ماذا حدث , فيجيب الظالم (لكونة يجرى اولا) هذا الرجل يجرى ورائى لاننى اخذت من مزرعتة كف عدس(شويه عدس) فكانا الناس يستاءون من الرجل المظلوم ويقولون تريد ان تقتله بسبب كف عدس؟؟ وكان المظلوم لا يستطيع ان يقول الحقيقة لان فيها فضيحة لعرضة فكان يقول ( ال يعرف يعرف وال ما يعرف يقول كف عدس.

2 - ال اختشوا ماتوا .
مجموعة نساء بالحمام يتسبحون وفجأة اشتعلت النار بالحمام فمن كانت عندها جراة ان تجرى بدون ملابس نجت بنفسها وال تختشى ماتت حرقا.

3 اقلب القدرة على فمها تطلع البنت لامها.
لو افترضنا ان عنق القدرة (الزجاجة) هو الذكر (الاب) يبقى اسفل الزجاجة هى الام . فعندما تقلب زجاجة مليئة بالمياه تصعد فقعات ضغط الهواء من عنق الزجاجة الى امها .

4 اتجمع تنتون على تنتن واحد نتن والتانى انتن .

5 · ابوك البصل و أمك التوم منين تجيك الريحة الحلوة يا مشئوم.

6 أبويا الكلب وطاب بى و جوزي السبع علا بى.

7 اتعلم الأدب من قليل الأدب.

8 االلى عمل جميل يتمه.

9 من لا تربيه الاهالى تربيه الايام والليالى .

10 خذو الحكمة من افواه المجانين .

11اللى ما تصبحه و ما تمسيه ما تعرف اللى جرى فيه.

12 أدعي على ابنى و أكره اللى يقول آمين .

13 اللى ما يدخل النار فى حب زوجتة دخول الجنة حرام عليه.

14 ادينى عمر و ارمينى البحر.

15 إذا كان الغلة تيجى قبل التبن كانت الحما تحب مرات الابن.

16 اللى يسمع كلام الناس ما ينفعش و اللى ياكل حرام ما يشبعش .

17 إذا كان الكلام من فضة يكون السكوت من دهب.

18 اربط البغل جنب الحمار ان ما تعلم شهيقه يتعلم نهيقه .

19 أشكى لمين و كل الناس مجاريح.

20 اضرب المربوط يخاف السايب .

21 اعمل الخير و ارميه فى ماء جارى ان ضاع عند العبد ما يضعش عند البارى .

22 طارشه اتجوزت اعمى لا هو شايفها ولا هيه سامعة .

23 الأعور وسط العميان سلطان .

24 افطروا و اشتغلوا و اتغدوا ومددو و اتعشوا و اتمشوا .

25 اللى يشوف الفول و لا ياكلش يحب و لا يطولش .. هههههههههه دا مصرى زيى اكييد .

26 يعطى الحلق للبلا اذن .

27 ال تكره وشة يحوجك الزمن لقرشه .

28 أكل الفلاح تفاح ، قال : الفجل أحسن.

29 اكنس بيتك و رشه ما تعرفش مين بيخشه.

30 أكلونى و هنونى وكان اولى بيا ال ولدونى .

31 الله يلعنك يا زمان يا للى خليت للندل كلام و جبت اللى ورا قدام و خليت السيد خدام

32 لله يخليكي يا شدة ياللى تبينى ده من ده .

33 اللى انضرب كف يستحمل الف.

34 اللى بتجيب سيرتى تحتار حيرتي .

35 اللى بالفلوس ما تشتهيه النفوس .

36 اللى يشترى اللى ملهوش لزمة ييجى يوم يبيع اللى له لزمة .

37 اللى تجيبه الرياح تاخده الزوابع .

38 ال تكسب به العب به .

39 اللى تحسبه موسى يطلع فرعون وال تحسبه فرعون يطلع موسى.

40 اللى راسها بتوجعها صيت أبوها ينفعها .

41
· اللى يمشى ياما يشوف و اللى يلف يشوف أكتر و اللى قاعد فى الدار خروف و الزهير ما يعطى إلا الحلوف.

42 ام واحد ربنا محيرها و أم عشرة ربنا مدبرها.

43 ال يشفى المريض ينسى وصفة المداوى.

44 ان جبت للمجنون ميت عقل على عقله ما يعجبوش إلا عقله .

45 ان رأيته يسب فيها اعرف انه يحبها .

46 ان عاشوا كلوا الدبان و ان ماتوا ما يلاقوا الأكفان .

47 ان عيط ابنك عيط معه ما تعرف ايه اللى بيوجعه.

48 ان كنتم نسيتوا اللى جرى هاتوا الدفاتر تنقرى .

49 أنا وحشة و أعجب نفسى و أشوف الحلوين تنقرف نفسى .

50 الجمل يمشى و يحدف لورا يشوف عيوب الناس و عيوبه لا ترى.

وكفايه عليكو كدا علشان لا تملوا منى اتمنى يعجبكوا الموضوع .سلام يااحلى منتدى .

انا لقت شوية بس كبر الخط يا طه انا ركبت ميكرسكوب مش نضارة
هههههههههههههههههههههههه

زائر

كبروا انتا يا ع7لى او عمر

كدة انا فمت بالواجب وشكرا جزيلا يا طه على الموضوع الجامد

شكرا يا رجاله واوعدكوا هكبر الخط الره الجايه

زائر

شكرا ياعلى على التكبير وياطه على الامثال دى

جاااااااااااااااااااااااااااااااامدة جدا جدا ياطه
تسلم ايدك

شكرا ليك يا اتش

امثال جميلة جدااااااااا

عارفة منها كتير

شكرا لردك الجميل يا ليلى
وانا يكفينى اكون سبب يضيفلك معلومه واحده مش لازم كل دول

وميرسى

امثال حكاية يا طه وشكرا ليك علي مجهودك

تسلملى يا سيسى والله انت الاحسن

» اشهر الجمل اللى95% من شباب مصر بيقولوها للبنات